| 好耐都冇打過xanga喇....最大既原因係因為我懶...=.= 就連點樣換wallpaper我都唔記得喇...唉.. 不過今日心血來潮好想打一篇 事源係我前幾晚有一位朋友打電話黎同我訴苦,話佢女朋友要同佢分手 佢同我同年同月同日生(唔講名,應該都知我講邊個啦) 我識佢咁耐從來都唔覺得佢同我似.. 直至佢同我訴苦,我先發現係感情方面我真係同佢好似 個案1 – 冇主見 我不嬲都冇主見係人都知..不過我覺得依d叫就得人喎,尊重人丫嘛XD 試過同朋友食飯,講真我食咩真係有咩所謂,有得食我就已經好滿足 但一定要我諗食咩,諗完又話依個唔好,個個又話唔好 咁做咩要我諗呢,諗完又話唔好,討厭!!所以唔諗就係最好… 佢同我一樣,佢同佢女朋友去街,都係話冇所謂,佢女朋友一定要叫佢諗食咩 諗完,佢女朋友又話唔好,咁佢咪話叫佢女朋友諗返囉 佢女朋友就發脾氣,話佢冇用,一d主見都冇,有主見得黎完全唔了解佢,唔知佢想食咩 佢問我佢有冇錯 結論: 我…..…唔識答,因為我都係冇主見既人,話佢有錯,咁即係我都有錯,冇可能!! 個案2 – 疑心重,喜歡胡思亂想 經常性懷疑伴侶有第三者,一有咩風吹草動,就開始疑神疑鬼 問問題好似機關槍掃射咁,一輪咀咁問,點解依樣會咁咁咁,點解個樣又咁咁咁,如果你可以咁,我係咪都可以咁…(幻唔幻想到係點??) 仲有,有時講野,即使係一個字都會好敏感,例如對方話”而家係咪連你都唔理我丫” 依句野問題係點解用個”連”字呢,咁係咪有另一個人唔理你丫?係咪個個人唔理你先黎搵我丫? 佢話我佢有有諗錯 結論:我緊係話唔係啦,寧教人打仔莫教人分妻,而且出現第三者既問題,外人去唔方便去講 個案3 – 衝動 當條氣頂住既時候,咩都唔理,正如個晚佢半夜三點打黎,話佢女朋友呃佢去旅行住青年旅舍,唔係住酒店 完全冇理會我咁既鐘數一定訓梗教啦,總之一定要攪清楚,令自己氣條”据”返 如果雙方之間鬧左交,會好想搵對方講清楚,對方可能唔想講,又或者唔方便講 因為條氣頂住,個心極度忐忑不安,一定捉住對方問過明白 於是不停打電話,打到對方覺得勁煩厭,繼於電話都唔聽 咁條氣就更加唔順,於是直接走去對方屋企附近等佢(可能雙方住得太近既關係) 佢問我咁做有冇問題,係咪好煩 結論:雖然我自問都覺得幾無賴同幾煩,但我都會咁做,點解佢會咁做我係可以理解既.. 個案4 – 固執 雖然對好多野都好冇主見,但唯獨對愛情係非常固執, 一但愛上就無法自拔,應該話唔想自拔,寧願任由自己沉淪落去 佢問我有乜野原因會導致我會主動提出分手 我竟然唔識答…無論對方有咩缺點或做錯左,都會選擇原諒 即使對方唔愛自己,亦會想盡辦法挽留 佢話佢女朋友都問過佢依個問題,佢都係唔識答,佢話佢點都會堅持落去 佢問我應唔應該再打比佢 結論: 我完全明白,叫佢唔好打,佢個心一定好難受,因為佢根本唔想放手 既然唔想放手,咁咪繼續打比佢囉,至少有盡力去挽留過,我相信佢同我一樣,唔到最後個刻都唔會放手 |
