11/10 - 同事知我生日,係石澳BBQ...掛紅旗游唔到水....好失望....

其實當日有D悶...不過多謝同事一番心意...

12/10 - 再滑水....

15/10~19/10 - 同屋企人去左北海道旅行,個個人都問我好唔好玩

係一D都冇野玩架..唔係東京呀...去睇下風景...浸下溫泉...食下新鮮既魚生架咋

不過真係好relax架~

20/10 - 返到公司,好驚喜囉...嚇親我,reception打電話叫我收花,

我話下...收咩花呀....reception話咁你係唔係生日,係就出黎收花....不過生日快樂....

原來cherie,karen,KK買左札花送比我..超開心...咁大個女未收過花...

22/10 - 同左細man去左朗豪坊酒店食自助餐...有生蠔呀...食左差唔多一打

好新鮮呀...其次係甜品,好好味,尤其係焦糖燉蛋....百食不厭呀....

不停咁食呀...終於比d同事見到我個為食樣....其實我d fd全部知我為食架...見慣左架喇...

24/10 - 同cherie行街街..睇中個LV袋...但依期好窮呀....但年尾雙糧先....

25/10 - 談仔同我既生日party....係有少少醉醉地..不過我冇湯兼冇無斷片架!!

我先冇d人咁失禮呀...呵呵.....

好多謝有出席既每一位朋友...放心依個party我好開心同盡興

不過容許我講一樣唔開心既野....去到每一個都問我係咪同佢散左....

我知佢地全部都知,因為散左兩個星期,潘文已經問過我...

但點解仲要當面問多次,仲要問我點解...想我點答呢....

我同每一個講既答案都係散左咪散左囉,冇點解...但楊建問我....我只好坦白同佢講

因為佢地係住同一棟大廈,一定知..我唔需要係佢面前隱瞞d乜野

我依2個月既節目都算充實,我以為我已經痛完....當楊建同我講話見到佢之後....個心再次好痛.....

我覺得越多人知事實既真相,越覺得自己好醜,好無地自容....

每一個都同我講佢唔係好男人,我離開係正確架....

安慰我嗎?我反而覺得害怕佢地係背後笑我....

因為我知道係我自己攞黎衰架....我抵死架...當日我冇即時話比我2個好朋友知,其實都係咁既原因...

當日佢地鬧我,我唔聽....路係我自己既...後果自已默默承受就足夠喇

((sorry....可能飲左D酒,諗野突然偏激左))

相信每個人都出於好意,走過來是祝福我有更好既路...係咪??

多謝祝福我同支持我既人~尤其係余倫,同我講左好多野....我會更好的!!